संपादकीय – सप्टेंबर २०१७

_mg_0080दरवर्षी ऑगस्ट-सप्टेंबरपासून सगळीकडे उत्सवाचे वातावरण असते. प्रथम दहीहंडी, त्यानंतर गणपती. पार्ल्यात हे दोन्ही सण मोठ्या उत्साहात साजरे होतात. याहीवर्षी ते साजरे होत आहेत पण त्यात थोडा फरक जाणवतो.

ह्यावर्षी पार्ल्यात कमी हंड्या लागल्या होत्या. त्याचप्रमाणे गोंगाटसुद्धा थोडा कमीच होता. काय कारण असावे ह्याचे? कोर्टाच्या निर्णयानुसार मोठ्या मंडपांवर, ध्वनिवर्धकांवर निर्बंध असल्यामुळे कर्णकर्कश गाणी नव्हती. त्याचप्रमाणे नोटबंदीमुळे हंड्यांवर लागणाऱ्या बक्षिसांचे प्रमाणही कमी होते. आपल्याला माहित आहेच की गेल्या काही वर्षात ह्या दोन्ही सणांचे खूपच बाजारीकरण झाले आहे. मोठमोठी बक्षिसे, मोठमोठी होर्डींग्ज आणि सिनेमातील कर्कश गाणी वाजवणाऱ्या मिरवणूका. ह्या सर्वांमुळे ह्या सणांचा मूळ उद्देशच कुठेतरी हरवल्यासारखा झाला होता. मनोरंजनाला कोणाचा विरोध असायचे कारण नाही पण गणपतीसमोर ‘आयटमसॉंग’वर चाललेला बीभत्स नाच ही आपली संस्कृती नाही हे नक्की !

गेल्या आठवड्यात गणपती आले. ह्यावेळी श्रींच्या आगमनाच्या मिरवणुकीतील आवाजाची पातळी काहिशी कमी होती. गणेशोत्सवावरदेखील नोटबंदीचे व आर्थिक तणावाचे सावट पडल्याचे स्पष्ट जाणवत आहे. पार्ल्यात अनेक सार्वजनिक गणेश मंडळे आहेत व दरवर्षी सजावट आणि देखाव्यावर अमाप खर्च होतो. तो खर्चसुद्धा ह्यावर्षी कमी झालेला दिसत आहे. काही मंडळे आवर्जून कागदाची मूर्ती ठेवत आहेत. यंदाचे वर्ष हे सार्वजनिक गणेशोत्सवाचे शतकोत्तर रौप्य महोत्सवी वर्ष आहे. तेव्हा आपण सर्व पार्लेकरांनी ह्या बदलाचे स्वागतच करायला पाहिजे!

गेली अनेक वर्षे महापालिकेतर्फे हनुमान रस्त्यावर कृत्रिम तलावाच्या माध्यमातून गणेश विसर्जनाची उत्तम सोय करण्यात येत आहे व त्याचा फायदा असंख्य पार्लेकर घेत आहेत. निर्माल्यापासून खत तयार करण्याचा उपक्रमदेखील राबवला जात आहे. अर्थात ही केवळ सुरुवात आहे व सुधारणेला अजून भरपूर वाव आहे. ध्वनिप्रदूषण टाळले, पर्यावरणाची काळजी घेतली तर सण साजरे करण्यातील उत्साह द्विगुणित होईल, नाही का ?

Advertisements

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google+ photo

You are commenting using your Google+ account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

w

Connecting to %s