संपादकीय – ऑगस्ट २०१७

_mg_0080‘पुलंची सिडी लावू का ?’ श्रीधरचा प्रश्न.

अमेरिकेतील बृहन महाराष्ट्राचे अधिवेशन आटपून आम्ही डेट्रॉईटवरून शिकागोला बाय रोड जात होतो. पुलं कितीही प्रिय असले तरी मला आता अमेरिकेविषयी, इथल्या मराठी माणसांविषयी ऐकण्यात जास्त रस होता. मी म्हणालो “नको, आपण गप्पा मारूया’.

अधिवेशनाबद्दल श्रीधर भरभरून सांगत होता. अमेरिकेत राहणाऱ्या मराठी लोकांचा हा दर दोन वर्षांनी येणारा आनंदोत्सवच जणू. गाण्याचे, गप्पांचे कार्यक्रम, मराठी नाटके, कवी संमेलने, स्थानिक मंडळाने सादर केलेले कार्यक्रम आणि तीन दिवस अस्सल मराठमोळ्या जेवणाचा आस्वाद! इतर शहरांतून, देशांतून येणाऱ्यांच्या स्वागतासाठी असंख्य हसतमुख कार्यकर्ते सज्ज! मला तर तीस पस्तीस वर्षांपूर्वीचा आमच्या सोसायटीतील गणेशोत्सव आठवला. ‘BMM दर वेळी वेगळ्या शहरात असल्याने प्रत्येक मंडळाला आयोजनाची संधी मिळते. त्यानिमिताने गाठी भेटी होतात.’ मला आपल्याकडील उत्सवांचे सध्याचे स्वरूप आठवले. बीभत्स नाच आणि कर्कश गाणी! या अमेरिकेतील अधिवेशनाला मराठी कलाकार आवर्जून हजेरी लावतात. “फक्त अधिवेशनापुरते नाही तर अमेरिकेतील महाराष्ट्र मंडळे मराठी कलाकारांचे, गायकांचे कार्यक्रम तसेच मराठी सिनेमे ह्यांचे सतत आयोजन करत असतात.’

श्रीधर सुमारे 25 वर्षांपूर्वी अमेरिकेत आला. एका खूप मोठ्या IT कंपनीत वरिष्ठ हुद्‌द्यावर आहे पण मंडळाच्या कार्यक्रमासाठी कुठलेही काम करायला सदैव तयार. करिअर फुलवण्यासाठी इथे आला तरी पुणे सोडल्याचे दु:ख अजूनही मनात खदखदते. मराठी संस्कृतीवर अफाट प्रेम. साधारणपणे अशीच कहाणी येथे आलेल्या बहुतेक मराठी माणसांची.

“आता आम्ही पक्के अमेरिकन झालो आहोत पण आपली मराठी संस्कृती का म्हणून सोडायची ?’ श्रीधरने मुद्दा मांडला. मुख्य अधिवेशनाबरोबर इतरही छोटे छोटे कार्यक्रम होतात. एक दिवसाची बिझनेस कॉन्फरन्स, मुंबई पुण्यातील काही शाळांची Reunions. अरे हो, त्यात आपल्या पार्ले टिळकचेसुद्धा reunion झाले. फार जण नव्हते पण जे होते ते शाळेविषयी, शिक्षकांविषयी व आपल्या शाळेतील सवंगड्यांविषयी भरभरून बोलत होते.

आज अमेरिकेतील मराठी समाज समृद्ध आहे, आनंदी आहे आणि मुख्य म्हणजे त्यांच्या हृदयातसुद्धा महाराष्ट्र आहे. आपला सांस्कृतिक वारसा जपण्याचा ते आटोकाट प्रयत्न करत आहेत !

Advertisements

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google+ photo

You are commenting using your Google+ account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

w

Connecting to %s