संपादकीय – जुलै २०१७

_mg_0080नुकताच दहावीचा निकाल लागला व अपेक्षेप्रमाणेच पार्ल्यातील बहुसंख्य विद्यार्थ्यांनी घवघवीत यश मिळवले. ह्याचे श्रेय जसे विद्यार्थ्यांच्या मेहनतीला आहे, त्याचप्रमाणे ते शिक्षकांना, पालकांना व पार्ल्यातील शैक्षणिक सजगतेला सुद्धा आहे. त्याच बरोबर ह्याची जाणीव ठेवणे गरजेचे आहे की दहावीत चांगले मार्क मिळवले की सर्व काही झाले असे नाही व दहावीत अपेक्षाभंग झाला तर आयुष्य फुकट गेले असेही नाही !

हल्ली विद्यार्थ्यांना दहावीमध्ये ज्याप्रकारे मार्क मिळत आहेत त्याचे वर्णन ‘मार्कांचा महापूर’ असेच करावे लागेल. ह्याला बहुतांशी परीक्षेचा व प्रश्नांचा पॅटर्न कारणीभूत आहे. मात्र ह्या पुढील पायरीला, अकरावीला तेवढे मार्क मिळत नाही व आमचा पठया गोंधळून जातो. ह्यातच अनेक वेळा अभ्यासावरील, खेळावरील, इतर उपक्रमांवरील लक्ष उडते व आयुष्याची दिशाच चुकते. ह्यामुळे अकरावीचे वर्ष त्या दृष्टीने महत्त्वाचे आहे हे लक्षात ठेवले पाहिजे.

‘दहावी नंतर काय ?’ ह्या प्रश्नाचे उत्तर प्रत्येकजण आपापल्या कुवतीनुसार सोडवतो. एकेकाळी चांगले मार्क मिळाले की मेडिकल किंवा इंजिनिअरिंग ठरलेले असायचे. पण आज विद्यार्थ्यांसमोर अनेक पर्याय आहेत. आर्थिक क्षेत्रापासून ते कला क्षेत्रापर्यंत सर्वच क्षेत्रात आज इतक्या संधी उपलब्ध आहेत की आपल्या आवडीचे रूपांतर करिअरमध्ये करणे सहज शक्य आहे व आज अनेक विद्यार्थी चाकोरीबद्ध अभ्यासक्रमाऐवजी आपल्या आवडीच्या क्षेत्राला पसंती देत आहेत. पार्ल्याच्या निकालाकडे नजर टाकली तर असे लक्षात येते की काही ठराविक शाळांचे निकाल वर्षोनुवर्षे 100% लागत आहेत, इंजिनिअरिंग, मेडिकल की आर्किटेक्चर अशा चर्चांचे फड जमत आहेत, अकरावी बारावीसाठी उत्तमोत्तम क्लासेसची चौकशी होत आहे, मात्र पार्ल्यातीलच काही शाळांमध्ये मात्र नापासांची संख्यासुद्धा डोळ्यात खुपण्यासारखी आहे. का आहे हा फरक ? पार्ल्यासारख्या शैक्षणिक क्षेत्रात अग्रेसर म्हणवून घेणाऱ्या समाजाला हे शोभते का ? पार्ल्यातील प्रथितयश शाळा इतर शाळांना काही मदत करू शकतील का ? पार्लेकर नागरिक म्हणून आपली ह्याबाबतीत काही जबाबदारी असू शकते का ?

पार्ल्यातच असलेल्या या दुसऱ्या पार्ल्याशी आपण ओळख करून घेतली पाहिजे, त्यांना मदतीचा हात दिला पाहिजे. ह्यातच पार्ल्याचे खरे यश आहे.

Advertisements

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google+ photo

You are commenting using your Google+ account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

w

Connecting to %s