संपादकीय – जून २०१७

_mg_0080पार्ल्यात नुकतीच फुटबॉलची ‘VPPL’ स्पर्धा पार पडली. खेळाडूंचा ओसंडून जाणारा उत्साह, प्रेक्षकांचा उस्त्फूर्त प्रतिसाद व प्रायोजकांची मोलाची साथ ह्यामुळे दरवर्षी ही स्पर्धा अधिकाधिक उंची गाठत आहे ह्यात काही शंका नाही. काही वर्षांपूर्वी पार्लेकर तरुणाला क्रिकेटने वेड लावले होते. आज मात्र तो फुटबॉलवेडा झाला आहे असे म्हटले तर ती अतिशयोक्ती ठरू नये. खेळाडूंनी व प्रेक्षकांनी तुडुंब भरलेली मैदाने बघणे हे अतिशय नयनरम्य दृश्य आहे. 

‘नवीन पिढीने मैदानाकडे पाठ फिरवली आहे, मुलं पूर्ण वेळ कॉम्पुटरवरचे गेम्स खेळण्यातच घालवतात’ अशी ओरड सर्वच पालक करतात. हे बऱ्याच अंशी खरे आहेच पण मला समाधान वाटते की आपल्या पार्ल्यात मात्र परिस्थिती काहीशी वेगळी आहे. खरे म्हणजे पार्ले गावाची ओळख ही शैक्षणिक व सांस्कृतिक केंद्र म्हणून होती. 1995 साली ‘आम्ही पार्लेकर’च्या पुढाकाराने पार्ल्यात सिझन क्रिकेट प्रशिक्षण केंद्र सुरू झाले आणि डहाणूकर कॉलेजचे मैदान लहानग्या क्रिकेटर्सनी बहरले ते अगदी आजपर्यंत. प्रबोधनकार ठाकरे क्रीडा संकुलामुळे स्विमिंग,रायफल शुटिंग, टेबल टेनिस, कॅरम इत्यादी खेळांना प्रोत्साहन मिळाले. 2000 साली ‘पार्ले महोत्सव’ सुरू झाला आणि पार्ल्यातील सर्वच खेळाडूंना एक हक्काचे व्यासपीठ मिळाले. सुमारे 20,000 स्पर्धकांचा सहभाग असणारा दुसरा स्पोर्ट्‌स इव्हेंट मुंबईत तरी नाही. कबड्डीचे सामने दुभाषी मैदानावर अनेक वर्षांपासून होत होते. त्यात भर पडली ती क्रिकेट व फ़ुटबॉंलच्या लीगची. ह्या खेळांचा हा नवीन फॉरमॅट तरुणांना खूपच आवडलेला आहे.

ह्या सर्व खेळांसाठी फक्त पार्ल्यातूनच नव्हे, फक्त मुंबईतूनच नव्हे तर महाराष्ट्राच्या कानाकोपऱ्यातून खेळाडू, संघ येतात व खेळाचा, स्पर्धांचा मनमुराद आनंद लुटतात. म्हणूनच आजचे पार्ले हे केवळ शैक्षणिक किंवा सांस्कृतिक केंद्र राहिले नसून आता ते विविध खेळांचे आणि खेळाडूंचेसुद्धा केंद्र बनले आहे. ही आपल्या सर्वांसाठी अत्यंत अभिमानाची गोष्ट आहे !

Advertisements

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google+ photo

You are commenting using your Google+ account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

w

Connecting to %s