संपादकीय – मे २०१७

_mg_0080‘नावात काय आहे ?’ असे कुणीसे म्हटले आहे पण पार्लेकरांना ते तितकेसे रुचत नाही असे दिसते. पार्ल्यातील चौकांच्या, उद्यानाच्या नामकरणाचे वाद आता आघाडीच्या वर्तमानपत्रांमध्ये रंगू लागले आहेत व ही बाब पार्ल्याला शोभा देणारी खचितच नाहीये. काही विषय हे राजकीय किंवा आपल्या संस्थांचे अभिनिवेश बाजूला ठेऊन हाताळावे लागतात. मालवीय रस्त्यावरील उद्यान हे ह्या बाबतीतील एक ताजे उदाहरण !

ही जागा अनेक वर्षे एका बिल्डरकडे होती. 2013 मध्ये ती पालिकेच्या ताब्यात आली तेव्हासुद्धा त्याच्या श्रेयावरून राजकीय वाद झाले होते. पालिकेने ही जागा उद्यानासाठी आरक्षित करून त्यावर कुठलेही बांधकाम घेऊ शकत नसल्याचे स्पष्ट केले. त्यावेळी ह्या जागेवर दिव्यांग मुलांसाठी उद्यान व्हावे अशी कल्पना ‘आम्ही पार्लेकर’ ने मांडली होती. पार्ले परिसरात अशा मुलांसाठीच्या अनेक शाळा आहेत. त्यांना तसेच मुंबईतील इतर दिव्यांग मुलांनाही ह्या उद्यानाचा खूप फायदा होईल हा हेतू त्यामागे होता. ह्या कल्पनेला सर्वच थरातून उत्स्फूर्त प्रतिसाद मिळाला. लोकप्रतिनिधी व प्रशासनानेदेखील ह्याबाबत संवेदनातील व सकारात्मक भूमिका घेतली. आज संपूर्ण उद्यान नाही तरी त्यातील अर्धा भाग अशा मुलांसाठी राखीव असून त्याच्यासाठी विशेष क्रीडा साहित्य, उपकरणे उपलब्ध होणार आहेत. ह्या उद्यानात खेळणाऱ्या लहानग्यांच्या चेहेऱ्यावरचा आनंद प्रत्येक सुसंस्कृत पार्लेकराच्या मनात अतीव समाधान निर्माण करेल ह्यात शंका नाही.

ह्या उद्यानाला काय नाव द्यावे ह्यावरून सध्या पार्ल्यात मोर्चेबांधणी होत आहे. राजकीय पक्ष, सामाजिक संस्था ह्यात हिरीरीने भाग घेत आहेत. अनेक नावे चर्चेत आहेत. त्यात एका नावाची भर घालून आम्ही गोंधळ वाढवू इच्छित नाही. मात्र ह्या चर्चेचे रूपांतर वादात व राजकीय भांडणात होऊ नये अशीच सामान्य पार्लेकरांची इच्छा आहे. पार्ल्यातील बदलती सामजिक परिस्थितीसुद्धा लक्षात घेणे गरजेचे आहे. असे प्रश्न चर्चेतून, समन्वयातून व खेळीमेळीच्या वातावरणात नक्कीच सोडवले जाऊ शकतात, निदान पार्ल्यात तरी !

Advertisements

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google+ photo

You are commenting using your Google+ account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

w

Connecting to %s