संपादकीय – एप्रिल २०१७

_mg_0080आपल्या पार्ल्यात अनेक सांस्कृतिक उपक्रम वरचेवर होत असतात. संगीत, साहित्य, नाटक यात पार्लेकरांना मनापासून रस आहे. पण खेदाने असे म्हणावेसे वाटते की इतर कलांना मात्र तितकासा लोकाश्रय मिळत नाही. उदाहरणार्थ चित्रकला व शिल्पकला!

खरे म्हणजे ह्या दोहोंतही कलेचा व संस्कृतीचा अत्युच्च आविष्कार घडतो, ह्या कला आत्मसात करायला इतर कलांसारखेच अफाट परिश्रम करायला लागतात. एखादे सुंदर चित्र किंवा शिल्प आपल्याला एकदा नव्हे तर वर्षोनुवर्षे आनंद देत राहते.

पार्ल्याला जशी नाट्यकर्मींची, गायकांची परंपरा आहे तशी शिल्पकार, चित्रकारांचीसुद्धा आहे. लंडनच्या आर्ट गॅलरीत विराजमान झालेले राजा रविवर्मा, गुरुदेव टागोर यांनी गौरविलेले ‘मंदिरपथगामिनी’ हे शिल्प आपल्या पार्ल्याच्या रावबहाद्दूर गणपतराव म्हात्रे यांनी साकारले आहे ना ! पार्ल्याची शिल्पकलेची परंपरा म्हात्रे, डिझी कुलकर्णी ह्यांच्यापासून अजूनही कार्यरत असलेल्या विठ्ठल शानभागांपर्यंत अनेकांनी समृद्ध केली आहे. चित्रकलेतसुद्धा उत्तमोत्तम शिष्य घडवणारे केतकर मास्तर, श्रेष्ठ व्यंगचित्रकार वसंत सरवटे, वसंत सोनावणी, रमाकांत देशपांडे, वसंत सवाई, सुखशील चव्हाण, ज्येष्ठ चित्रकार सुहास बहुळकर, व्यंगचित्रकार श्रीनिवास प्रभुदेसाई ह्यांच्यापासून चित्रा वैद्य, चंद्रशेखर पंत, कविता जोशी ह्यांच्यासारख्या नव्या दमाच्या चित्रकारांमुळे पार्ल्याला चित्रकलेचीसुद्धा एक भव्य परंपरा आहे ह्यात शंका नाही.

वाईट ह्याचे वाटते की ह्या सर्व कलाकारांच्या कलाकृतींची प्रदर्शने बघण्यासाठी थेट दक्षिण मुंबईतच जावे लागते. बाकीच्या उपनगरांचे सोडा पण मुंबईची सांस्कृतिक राजधानी समजल्या जाणाऱ्या पार्ल्यात देखिल अशा प्रकारचे एकही चित्र-शिल्प प्रदर्शन भरू नये हे खचितच आपल्या सर्वांना शोभादायक नाही. अशा प्रकारची प्रदर्शने भरवण्यासाठी कायमस्वरुपी कलादालन उभारणे, हॉलमध्ये दिव्यांची रचना व चित्रे- शिल्पे ठेवण्यासाठी विशेष मांडणी करणे गरजेचे आहे पण ती काही प्रचंड खर्चाची बाब नव्हे. पार्ल्यात खरे तर अनेक  कलाप्रेमी, दानशूर नागरिक आहेत, सामाजिक संस्था आहेत, त्या संस्थांचे मोठे मोठे हॉल्स आहेत. थोडे कष्ट घेतले तर अशाप्रकारचे कलादालन पार्ल्यात निश्चितच उभे राहू शकते. प्रश्न आहे तो इच्छाशक्तीचा!

Advertisements

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google+ photo

You are commenting using your Google+ account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

Connecting to %s