“उपनगरवासियांच्या समस्यांची प्राधान्याने दखल घेऊ’ – महापौर विश्वनाथ महाडेश्वर

mahadeshwar-colourगेल्या महिन्यात पार पडलेल्या महानगरपालिका निवडणुकीत शिवसेनेचे सर्वाधिक उमेदवार विजयी झाले आणि प्रभाग क्र. 87 मधून निवडून आलेले शिवसेनेचे नगरसेवक विश्वनाथ महाडेश्वर यांना महापौर बनण्याचा मान प्राप्त झाला. प्रभाग क्र. 87 हा सांताक्रूझ परिसर विलेपार्ले विधानसभा मतदारसंघ क्षेत्रात येतो. त्यामुळे डॉ. रमेश प्रभू (1987-88) यांच्यानंतर पार्ले परिसरातून महापौर झालेले महाडेश्वर हे दुसरे महापौर ठरतात.

सुमारे 35 वर्षांपासून राजकारण- समाजकारण क्षेत्रात कार्यरत असणारे महाडेश्वर मूळचे शिक्षक. घाटकोपरच्या शिवाजी मल्टीपर्पज टेक्निकल हायस्कूलमध्ये इंग्रजी विषयाचे अध्यापन 17 वर्षे केल्यानंतर सांताक्रूझ येथील राजे संभाजी ज्यु. कॉलेजचे ते मुख्याध्यापक झाले. स्थायी समिती व शिक्षण समितीचे अध्यक्षपदही त्यांनी काही काळ भूषवले. महाडेश्वर सर मुळचे सिंधुदुर्ग जिल्ह्यातील कसाल या गावचे. तिथेच त्यांचे बारावीपर्यंतचे शिक्षण झाले. पुढे रुईया महाविद्यालयातून ग्रॅज्युएशन आणि वडाळा कॉलेजमधून बी.एड. करून त्यांनी शिक्षकी पेशाची वाट धरली. दरम्यान शिवसेनेच्या माध्यमातून त्यांची राजकीय कारकीर्दही सुरु झाली.

यापुर्वी दोन वेळा नगरसेवक म्हणून निवडून आलेल्या महाडेश्वर सरांना यंदा भाजपाची लाट असूनही सांताक्रूझच्या रहिवाशांनी पुनश्च निवडून दिले. तळागाळातील जनतेसाठी काम करण्याची इच्छा आणि स्थानिक लोकांशी असलेला सततचा संपर्क यामुळेच हे शक्य झाल्याचे सांगण्यात येते. महाडेश्वर सरांच्या पत्नी सौ. पूजा गेल्या निवडणुकीत महिला आरक्षित सांताक्रूझ प्रभागातून नगरसेविका म्हणून निवडून आल्या होत्या.

मुंबई शहराविषयीच्या त्यांच्या आगामी योजना जाणून घेण्यासाठी तसेच उपनगरातील समस्यांबाबत चर्चा करण्यासाठी “आम्ही पार्लेकर’ टीमने त्यांची भेट घेतली. आमदार ऍड अनिल परब, माजी नगरसेवक शशिकांत पाटकर व शुभदा पाटकर हेदेखील त्यावेळी उपस्थित होते. मुंबईच्या प्रथम नागरीकाची भेट घेताना मनावर काहिसे दडपण होते मात्र अतिशय साध्या आणि सरळ स्वभावाच्या महाडेश्वर सरांशी बोलायला सुरुवात केल्यावर ते दडपण कुठल्याकुठे पळून गेले.

विमानतळाच्या फनेल झोनमध्ये येणाऱ्या इमारतींच्या उंचीवर बंधने असल्याने विकासक या परिसरातील पुनर्विकास करण्यास उत्सुक नसतात. या इमारती सरासरी 40 ते 50 वर्षे जुन्या असल्याने त्यातील अनेक इमारती मोडकळीला आल्या आहेत. या परिसराला “प्रकल्पबाधित’ दर्जा देऊन काही तोडगा काढावा की क्लस्टर योजना राबवावी याविषयी भिन्न मतप्रवाह दिसून येतात. या समस्येबाबत त्यांना विचारले असता ते म्हणाले,”फनेल झोनमधील रहिवाशांच्या अडचणींची आम्हाला संपूर्ण कल्पना आहे. त्यांना पुनर्विकास करणे शक्य व्हावे यासाठी काही विशेष सवलती देण्याबाबत विचार सुरू आहेत.’

आजकाल महापालिकेच्या मराठी शाळांची दुरावस्था, तेथील शिक्षणाचा दर्जा आणि दिवसेंदिवस घटणारी पटसंख्या हा सर्वांच्याच चिंतेचा विषय झाला आहे. याविषयी महापौर यांचे प्रतिपादन सकारात्मक होते. “जागतिकीकरणाच्या आजच्या युगात इंग्रजी भाषा अवगत असणं गरजेचं आहे मात्र त्यासाठी मातृभाषेच्या शिक्षणात तडजोड करण्याची गरज नाही. पालकांनीदेखील संपूर्ण इंग्रजी माध्यमाचा दुराग्रह टाळण्याचा प्रयत्न केला पाहिजे. महापालिकेच्या शाळांमधून शिक्षण घेणाऱ्या विद्यार्थ्यांसाठी शासनातर्फे अनेक प्रोत्साहन योजनांचा विचार करण्यात येत आहे. पालिका प्रशासनातील नोकऱ्यांसाठी या विद्यार्थ्यांना प्राधान्य देण्यात येईल. तसेच या विद्यार्थ्यांचे क्रीडानैपुण्य पाहता त्यांच्यासाठी विशेष क्रीडा प्रशिक्षणाची सोय करण्यात येईल. यासाठी आंतरराष्ट्रीय क्रीडासंस्थांना व तज्ज्ञ प्रशिक्षकांना पाचारण करण्यात येईल.’ असा विचार त्यांनी व्यक्त केला.

उपनगराच्या विकासाच्या दृष्टीने महापौरपदाच्या कारकीर्दीत काय बदल घडवण्याची इच्छा आहे असे विचारले असता, गेल्या काही वर्षांमध्ये उपनगरांतील लोकसंख्या झपाट्याने वाढत आहे. त्यामुळे इथल्या रहिवाशांच्या समस्यांची प्राधान्याने दखल घेतली जाईल. त्याचप्रमाणे आरोग्याच्या दृष्टीने सुरक्षित व प्रदुषणमुक्त मुंबई हे आमचे ब्रीद आहे आणि त्यादृष्टीने शक्य होतील ते सर्व प्रयत्न करण्याचा निर्धार महाडेश्वर यांनी व्यक्त केला.

Advertisements

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google+ photo

You are commenting using your Google+ account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

w

Connecting to %s