संपादकीय – सप्टेंबर २०१६

DACकाही दिवसांपूर्वी विशेष मुलांची काळजी घेणार्‍या एका संस्थेच्या कार्यक्रमाला जाण्याचा योग आला. डान्सेस व इतर अनेक छोट्या छोट्या गोष्टींमधून मुले व्यक्त होत होती. सुरवातीचा बुजरेपणा शिक्षकांच्या शाबासकीने, प्रोत्साहनाने हळूहळू कमी होत होता. वय वाढले तरी बुद्धीने अजूनही लहान असलेली ही निरागस मुले. कार्यक्रम सुंदर झाला.

मी संस्थेच्या कार्यालयात आलो. “कसे होते ह्या मुलांचे पुनर्वसन ?” माझ्या मनाला टोचणारा प्रश्न मी विचारला “दिवसभर ही मुले केंद्रात असतात. त्यांना करमणुकीच्या खेळांबरोबर पुढे नोकरी मिळवण्यासाठी आवश्यक काही कौशल्ये सुद्धा शिकवायचा प्रयत्न करतो” संस्थेच्या संचालिका मला सांगत होत्या. “ह्यातील किती मुलांचे खरंच पुनर्वसन होते ?” मी मुद्‌द्यावर आलो. “ते खूप कठीण आहे. कुठली कंपनी अश्या मुलांना नोकरी देईल ? आम्ही आमच्या परीने प्रयत्न करतो पण फारसे यश येत नाही.” हे ऐकून गलबलून आले. शरीराने पूर्ण वाढलेली निरागस मुले ! आई वडील आहेत तोपर्यंत एक आधार आहे पण त्यानंतर काय ? कुठे जाणार ? कशी जगणार ?

‘अहो पुनर्वसन खूप दूरची गोष्ट आहे. मैदानावर ह्या मुलांना इतर मुले आपल्याबरोबर खेळायलासुद्धा घेत नाहीत. “आम्ही पार्लेकर’ने अशा मुलांसाठी वेगळे मैदान करण्याचा प्रस्ताव मांडला होता, आम्हालाही खूप आशा वाटत होती. त्याचे काय झाले?’

माझ्याकडे उत्तर नव्हते.

पार्ले परिसरात अशा प्रकारचे काम करणार्‍या अनेक संस्था आहेत. असंख्य मुले व त्यांचे पालक त्यांच्या आधाराने जगायचा संघर्ष करत आहेत. जगाकडून, समाजाकडून ह्यांच्या फार माफक अपेक्षा आहेत. ‘आम्हाला समजून, सामावून घ्या’ बस्स एवढेच ! पण तेसुद्धा आपल्याकडून होत नाही. व्यापारी संस्थांचे सोडा पण पार्ल्यात एवढ्या सामाजिक, सांस्कृतिक, शैक्षणिक संस्था आहेत. ह्या मुलांच्या पुनर्वसनाची जबाबदारी संपूर्ण समाजावर व पर्यायाने समाजाचे प्रतिनिधित्व करणार्‍या अशा संस्थांवर नाही काय ? त्यांनी बनवलेली ग्रीटिंग कार्डे व इतर वस्तु विकत घेणे, कधीतरी आपल्या कार्यक्रमांमध्ये त्यांना आमंत्रित करणे, एखादी पूर्णवेळ किंवा अर्धवेळ (उदा. लिफ्टमन, शिपाई) नोकरी देऊ करणे, अशा छोट्या छोट्या गोष्टींमधून आपण त्यांना नक्कीच सांगू शकतो, “काळजी करू नका, तुम्ही आमचेच आहात!’

Advertisements

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Google+ photo

You are commenting using your Google+ account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

w

Connecting to %s